ရှစ်လေးလုံးမျိုးဆက် ကျောင်းသားခေါင်းဆောင် ကိုကိုကြီးသို့

ရှစ်လေးလုံးမျိုးဆက် ကျောင်းသားခေါင်းဆောင် ကိုကိုကြီးသို့
စစ်အာဏာရှင်တို့၏ ကြိုးပေးကွပ်မျက်ခြင်းခံခဲ့ရသည့်
ကျောင်းသားခေါင်းဆောင် ဆလိုင်းတင်မောင်ဦး မိသားစုမှ အိတ်ဖွင့်ပေးစာ

ရှစ်လေးလုံးမျိုးဆက် ကျောင်းသားခေါင်းဆောင် ကိုကိုကြီးရှင့် ...

အိပ်ဖွင့်ပေးစာ ရေးသားပေးပို့လိုက်ပါတယ်။ ကျမကတော့ ကျောင်းသားလှုပ်ရှားမှု၊ လူထုဆန္ဒပြပွဲတွေကို ဦးဆောင်ရင်း စစ်အစိုးရရဲ့ ကြိုးပေးကွပ်မျက်မှုခံလိုက်ရလို့ ကျဆုံးသွားတဲ့ (၁၉၇၄- ၁၉၇၆ မျိုးဆက်) ကျောင်းသားခေါင်းဆောင် ဆလိုင်းကိုတင်မောင်ဦးရဲ့ ညီမ မလှမြိုင် (ခေါ်) မိုင်ပိုပိုတင် ဖြစ်ပါတယ်။

ကျမတို့မိသားစုအကြောင်းကို ကိုကိုကြီး ကြားဖူးကောင်း ကြားဖူးနိုင်ပါတယ်။ အနည်းငယ် ပြန်ပြီး မိတ်ဆက်ပါရစေ။ စစ်အာဏာရှင်စနစ်ကို ဆန့်ကျင်တိုက်ပွဲဝင်ခဲ့တဲ့အတွက် အကိုကြီးက သေဒဏ်၊
ကျမက ထောင်ဒဏ် ၉ နှစ်၊ ကျမ မောင် ကိုလှရွှေက ထောင်ဒဏ် ရ နှစ်၊ ဘာမှ အပြစ်မရှိတဲ့ မိဘ
နှစ်ပါးက ထောင်ဒဏ် ၅ နှစ်စီ၊ မောင် အငယ်ဆုံးကလေး မောင်သန့်ဇင်က နှိပ်စက်ညှင်းပန်းခံခဲ့ရ ... စသဖြင့် မိသားစုတစုလုံး ဘ၀ပျက်ခဲ့ရတာ မြန်မာနိုင်ငံတနိုင်ငံလုံးမှာ ကျမတို့မိသားစုတစုပ ရှိမယ်ထင်ပါတယ်။ ဒီလို ဘ၀ပေးအသိ ရရှိခဲ့တာကြောင့် စစ်အာဏာရှင်စနစ်ကို စက်ဆုပ်ရွံမုန်းပြီး စစ်အာဏာရှင်စနစ်ကို ဆန့်ကျင်တိုက်ပွဲဝင်တဲ့ ရဲရင့်သတ္တိရှိတဲ့ ကျောင်းသားခေါင်းဆောင်တွေကို လေးစားချစ်ခင်တဲ့နေရာမှာ ကျမတို့ထက်သာသူ မရှိဘူးလို့တောင် ပြောနိုင်ပါတယ်ရှင်။


ကျမတို့မိသားစုဟာ ရှစ်လေးလုံးမှာ တတပ်တအား ဆက်လက်ပါဝင်ဆင်နွှဲပြီး ပြည်တွင်းမှာ နေလို့ မရတော့လောက်အောင်ကို အခြေအနေဆိုက်ရောက်လာတဲ့အတွက် ရှစ်လေးလုံးပြီးကတည်းက ထွက်လာကြပြီး အခုတော့ ကနေဒါနိုင်ငံမှာ အခြေချ နေထိုင်လျက်ရှိပါတယ်။

ကျမရဲ့အကိုကြီး ကျောင်းသားခေါင်းဆောင် ဆလိုင်းကိုတင်မောင်ဦး ကျဆုံးတဲ့ နှစ်ပတ်လည်နေ့ကို ပြီးခဲ့တဲ့ ဇွန်လ၂၆ ရက်နေ့တုန်းက ရန်ကုန်မှာ စည်ကားသိုက်မြိုက်စွာ ကျင်းပခဲ့ရာမှာ ဦးဆောင်သူတွေဖြစ်တဲ့ (အသက်ကြီးလှပြီဖြစ်ပေမယ့် သတ္တိရှိစွာ လှုပ်ရှားဆဲဖြစ်တဲ့) သတင်းစာဆရာကြီး ဦးဝင်းတင်၊ ၁၉၆၂ ခုနှစ် ကျောင်းသားခေါင်းဆောင် ဦးလှရွှေ၊ ၁၉၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်နဲ့ အခြားခေါင်းဆောင်များအားလုံးကို ကျေးဇူးတင်ကြောင်း ပထမ ပြောခြင်ပါတယ်။ အဲသည်ပွဲမှာ ဦးဆောင်ကျင်းပသူတွေ ဒါမှမဟုတ် တက်ရောက်သူတွေထဲမှာ ကိုကိုကြီးလည်း ပါရင် ကျေးဇူးတင်ပါရစေရှင်။

“တကယ်တော့ သံလျက်တော်ယူတဲ့ သူခိုးက ဆိုတဲ့ ဇာတ်ထဲကလို ဘုရင်ကိုယ်တိုင်က သူခိုးဖြစ်နေတာပဲ မဟုတ်လား။ ဦးသိန်းစိန် ဦးဆောင်တဲ့ စစ်အာဏာရှင်လက်သစ်တွေက တရားခံဖြစ်နေတာ မဟုတ်ဘူးလား။ အားနည်းသူ ရိုဟင်ဂျာတွေကို ဖိနှိပ်ရက်စက်၊ ရခိုင်အမျိုးသားတွေကို ကာကွယ်သယောင်ပြပြီး စစ်တပ်ကို လူစွမ်းကောင်းနေရာမှာရောက်အောင် တွန်းတင်တဲ့ အကြံနဲ့ စစ်အာဏာရှင်တွေနဲ့ ပူးပေါင်းကြံစည်တဲ့အထဲမှာ ကိုကိုကြီးက ဘာကြောင့်ပါချင်ရတာလဲ။”

ရှစ်လေးလုံးအတွင်းမှာ ကိုမင်းကိုနိုင်၊ ကိုကိုကြီး ... စတဲ့ကျောင်းသားခေါင်းဆောင်တွေ ဦးဆောင်ဆင်နွှဲခဲ့ကြတာတွေ၊ ၂၀၀၇ ခုနှစ် သံဃာ့လှုပ်ရှားမှုကြီး မတိုင်ခင် လူထုလှုပ်ရှားမှုကို စတင် ဦးဆောင်ခဲ့ကြတာတွေ၊ နှစ်ရှည်ထောင်ဒဏ်တွေ ကျခံရင်း ထောင်ထဲမှာ ကောင်းမွန်စွာ ရပ်တည်ပြီး ဆက်လက်တိုက်ပွဲဝင်ခဲ့ကြတာတွေ ... စတာတွေကို ကျမတို့မိသားစုတစုလုံးက လေးစား အသိအမှတ်ပြုလျက်ရှိဆဲပါရှင်။

အခု လူတွေအတော်များများ ပြောနေကြတဲ့ အပြောင်းအလဲဆိုတာကို ကျမတို့မိသားစုတစုလုံး မျက်ခြေမပြတ် ကြည့်နေပါတယ်။ ကျမတို့ကတော့ လုံးဝ မယုံဘူး။ ဘာကြောင့်လဲဆိုတော့ အသွင်သဏ္ဍာန် အရသာ အရေခွံဟောင်းကို ခွာ၊ အရေခွံအသစ်ကို ထပ်တင်လိုက်တာကလွဲလို့ အနှစ်သာရအရ ဘာမှမပြောင်းဘူး။ ၁၉၆၂ ခုနှစ်တုန်းက ကျောင်းသားသမဂ္ဂကို ဖြို၊ သားသမီးတွေလို သဘောထားရမယ့် ကျောင်းသားတွေကို သတ်ပြီး ဗိုလ်ချုပ်နေ၀င်းက ဓားဓားချင်း လှံလှံချင်း စိမ်ခေါ်ခဲ့တာ ကိုကိုကြီး မေ့သွားပြီလား။ ကိုကိုကြီး အမွှမ်းတင်ဖို့ အစချီလာတဲ့ တပ်မတော် ဆိုတာဟာ သည်အတွေးအခေါ်နဲ့ သည်အနှစ်သာရကို ဆက်လက်ကိုင်စွဲထားတာကို သတိမပြုမိဘူးလားရှင့်။ အခု ခဏကလေး ဖုံးထားတဲ့ အချိန်မှာတောင် မအောင့်နိုင်ဘဲ ပြီးခဲ့တဲ့ ဆဲဗင်းဇူလိုင် နှစ်ငါးဆယ်ပြည့်နေ့မှာ ကျောင်းသားတွေကို ကြက်ကလေး ငှက်ကလေးဖမ်းသလို ဖမ်းသွားခဲ့တယ် မဟုတ်လား။ ဒါက စစ်အာဏာရှင်စနစ်ရဲ့ အစွယ်ကို တချက်လောက်ပဲ လှစ်ပြလိုက်တာ မဟုတ်ပါလားရှင်။

အပေါ်ယံ အပြောင်းအလဲတွေ၊ လိုက်လျောမှုတွေ လုပ်ပြနေပေမယ့် စစ်အာဏာရှင်စနစ်ဟာ ၂၀၀၈ ဖွဲ့စည်းပုံအခြေခံဥပဒေပေါ် တက်နင်းရပ်ပြီး အခုအချိန်မှာ ခိုင်ခိုင်မာမာ ဆက်တည်ရှိနေတယ်ဆိုတာ ကိုကိုကြီး သိမှာမလွဲပါဘူး။ အဲဒါသာမကဘဲ စစ်ဗိုလ်ချုပ်ဟောင်းတွေနဲ့ စစ်ဗိုလ်ချုပ်သစ်တွေကပဲ တိုင်းပြည်အာဏာကို ဆက်လက်ချုပ်ကိုင်ထားတာကြောင့် လူသစ်တွေလည်း နေရာရသင့်တယ် ရယ်လို့ ဒေါ်အောင်ဆန်းစုကြည်ကိုယ်တိုင်တောင် ပြောဆိုသွားခဲ့တာ ကိုကိုကြီး ကြားမှာပါ။

ဒီလို နောက်ခံအခြေအနေအောက်မှာ ရိုဟင်ဂျာကိစ္စကြီး ဖြစ်ပေါ်လာတယ်။ အဲသည်အပေါ်မှာ ကိုကိုကြီး တိုင်းသိပြည်သိ ပြောကြားလိုက်တဲ့ အောက်ပါစကားတွေကို ကြားလိုက်ရတော့ ကျမတို့ အံသြတုန်လှုပ်သွားခဲ့တယ်ရှင့်။ ဒါကြောင့်လည်း ဒီအိတ်ဖွင့်ပေးစာကို ရေးလိုက်တာပါပဲ။

“ရိုဟင်ဂျာကိစ္စမှာ ကျနော်တိုနိုင်ငံမှာ အမျိုးသားပြန်လည်သင့်မြတ်ရေး လုပ်နေတဲ့အချိန်မှာ တတ်နိုင်သမျှ သည်းခံဆောင်ရွက်နေတဲ့ကိစ္စသာ ဖြစ်ပါတယ်။ ဒါပေမယ့် ရိုဟင်ဂျာကိစ္စကို အခု အပြတ်ပြောပါမယ်။ ရိုဟင်ဂျာဆိုတာ ကျနော်တို့ မြန်မာနိုင်ငံတိုင်းရင်းသား လုံးဝမဟုတ်ပါဘူး။ အခုဖြစ်နေတဲ့ ဘူးသီးတောင် မောင်းတောကိစ္စတွေမှာ နိုင်ငံတကာ နိုင်ငံကြီးတွေက မြန်မာနိုင်ငံကိစ္စကို အပြည်အစုံ နားမလည်ဘဲ ၀င်ရောက်ပက်သတ် စွက်ဖက်နေတာကို လုံးဝလက်မခံပါဘူး။ ကျနော်တို့နိုင်ငံရဲ့ အချုပ်အခြာကို ထိပါးတယ်လို့ ကျနော်တို့ သတ်မှတ်ပါတယ်။ နိုင်ငံတကာနဲ့ မျက်နှာမပျက်အောင် ဒုက္ခသည်များလို့ ယူဆပြီး လူသားချင်းစာနာမှု ကိုယ်ခြင်းစာနာမှုနဲ့ လိုက်လျောမှုကို နိုင်ငံကြီးတွေက ဖိအားပေးလာရင် ကျနော်တို့ လက်ခံမှာမဟုတ်ဘူး။ ဆက်ပြီး ဖိအားပေးလာရင် ကျနော်တို့ ဒီမိုကရေစီအင်အားစုတွေအားလုံးက အမျိုးသားရေးကိစ္စအဖြစ် သတ်မှတ်ပြီး မြန်မာ့တပ်မတော်နဲ့ လက်တွဲဖြေရှင်းသွားမယ်။”

အထူးသဖြင့် ကိုကိုကြီးရဲ့အောက်ပါ စကားလုံးတွေဟာ ကျမတို့မိသားစုကို အံ့သြတုန်လှုပ်သွားစေပါတယ်။

“နိုင်ငံကြီးတွေက ဖိအားပေးလာရင် ကျနော်တို့ လက်ခံမှာမဟုတ်ဘူး။ ဆက်ပြီး ဖိအားပေးလာရင် ကျနော်တို့ ဒီမိုကရေစီအင်အားစုတွေအားလုံးက အမျိုးသားရေးကိစ္စအဖြစ် သတ်မှတ်ပြီး မြန်မာ့တပ်မတော်နဲ့ လက်တွဲဖြေရှင်းသွားမယ်။”

ကိုကိုကြီးရဲ့ အဲသည်စကားကို နားထောင်ပြီးတဲ့အခါမှာ ကိုကိုကြီးဟာ စစ်အာဏာရှင်စနစ်ကို တကယ်ပြတ်ပြတ်သားသား ဆန့်ကျင်တိုက်ပွဲဝင်သွားမယ့် ကျောင်းသားခေါင်းဆောင်တဦးမှ ဟုတ်ပါရဲ့လားရယ်လို့ ကျမတို့ သံသယ ၀င်သွားခဲ့တယ်ရှင့်။ ကိုကိုကြီးလေမျိုးကို ကျန်တဲ့ကျောင်းသား
တွေ အတုယူလာရင် စစ်အာဏာရှင်စနစ်ကို တော်လှန်တဲ့ ကျောင်းသားတွေ ဖြစ်မလာဘဲ စစ်အာဏာရှင်စနစ်ကို အကျိုးပြုတဲ့ ကျောင်းသားတွေဖြစ်သွားမှာ စိုးရိမ်မိတယ်။

ရှစ်လေးလုံးကာလအတွင်းမှာ ဒီမိုကရေစီဖခင်ကြီး ဦးအောင်ကြီး သက်တော်ရာကျော်ရှည်ပါစေလို့
လူထုက တန်ဖိုးထား ကြွေးကြော်ခဲ့ရာကနေ ဦးအောင်ကြီးက “တပ်မတော်ကို စိတ်နဲ့တောင် မပစ်မှားနဲ့”
လို့ ပြောခဲ့တဲ့အတွက် လူထုက နိုင်ငံရေးမြောင်းထဲကို ပြန်ဆွဲချလိုက်တာ ကိုကိုကြီး သတိရစေချင်ပါတယ်။ အခုအချိန်မှာ ဒီမိုကရေစီအသွင်ကူးပြောင်းသယောင်နဲ့ စစ်အာဏာရှင်စနစ်ကိုသာ ခိုင်မာအောင် လုပ်နေကြတာ မျက်မြင်ပါပဲ။

စစ်အာဏာရှင်စနစ်ကို ဆန့်ကျင်တဲ့ တိုက်ပွဲတွေကို ပုံသဏ္ဍာန်မျိုးစုံနဲ့ ဆက်ပြီး ဆင်နွှဲသွားအောင် ရှင်းလင်းတဲ့ အမြင်တွေ တင်ပေးရမယ့်အစား စစ်အာဏာရှင်စနစ်ကို ဒူးထောက်တဲ့ လမ်းကြောင်းကို ဦးတည်မယ့် စကားလုံးတွေကို ကျောင်းသားခေါင်းဆောင်တဦးအနေနဲ့ မသုံးသင့်ဘူးလို့ ပွင့်ပွင့်လင်းလင်း ပြောပါရစေရှင်။

၁၉၆၇ ခုနှစ် အာဏာရှင် ဗိုလ်ချုပ်နေ၀င်း ဖန်တီးခဲ့တဲ့ တရုတ်-မြန်မာ အရေးအခင်းတုန်းက ကျမတို့မိဘတွေရော ကျမအကိုကြီး ဆလိုင်းကိုတင်မောင်ဦးပါ ကြုံခဲ့ပြီးပြီ။ ဆန်ပြဿနာဖြစ်ပြီး
စစ်တွေမှာ ဆန်လုပွဲတွေပေါ်တော့ ရခိုင်လူထုတွေကို စစ်တပ်က ရက်ရက်စက်စက် သေနတ်နဲ့ ပစ်ခတ်နှိမ်နင်းခဲ့တာ ကိုကိုကြီး မေ့သွားပြီလား သို့မဟုတ် ငယ်သေးလို့များ မသိတာလား။ ဆန်ပြဿနာအရေးအခင်းကို အာရုံလွှဲချင်တော့ တရုတ်-ဗမာ အဓိကရုဏ်းဖြစ်အောင် နေ၀င်းက ဖန်တီးခဲ့တယ်။ တရုတ်ဆန့်ကျင်ရေး ကြွေးကြော်သံတွေ ထုတ်၊ သူ့လုံခြုံရေးအဖွဲ့ လက်ပါးစေတွေကို
အရပ်ဝတ်လဲ၊ အခြေမဲ့အနေမဲ့ လူရမ်းကားတွေကို မြှောက်ပေး၊ တရုတ်အိမ်တွေကို ၀င်ရောက် မီးရှို့ဖျက်ဆီး (တချို့သတ်ဖြတ်တာတွေပါ) လုပ်ကြတော့ မီးသတ်ကားနဲ့ စစ်တပ်က လူအုပ်ကြီး
နောက်က လိုက်ပေးတယ်။ ဘာမှ မတားဆီးဘူး။ အရေးမယူဘူး။ အခြားအိမ်တွေ မလောင်အောင်သာ မီးငြှိမ်းပေးတယ်။ တရုတ်မိသားစုတွေကို သတ်ဖြတ်၊ နှိပ်စက်၊ တရုတ်အိမ်တွေ မီးရှို့တဲ့ လူရမ်းကားတွေအပေါ် ဘာမှ ထိထိရောက်ရောက် အရေးမယူခဲ့ဘူး။

ကျမအကိုကြီး ဆလိုင်းကိုတင်မောင်ဦးဆိုရင် အဲသည်တုန်းက သူ့အသက် ၁၆ နှစ်ပဲ ရှိသေးတာပေါ့။ အသက်ဘေးကနေ လက်လွတ်ထွက်ပြေးကြရတဲ့ တရုတ်မိသားစုတစုကို ဘုန်းကြီးကျောင်းထဲမှာ
ဝှက်ပြီး ကယ်ခဲ့သေးတယ်။ တရုတ်တွေအပေါ် လူမျိုးမတူတာ အပထား၊ လူသားချင်းစာနာစိတ်နဲ့ (ဘာပြစ်မှုမှ မကျူးလွန်တဲ့ လူတွေရဲ့) လူ့အသက်တွေကိုတော့ ကယ်တင်သင့်တယ်ဆိုတဲ့ ခံယူချက်နဲ့ ကိုတင်မောင်ဦး သည်လိုလုပ်ဆောင်ခဲ့တာ ဖြစ်တယ်ရှင့်။

စစ်အာဏာရှင်တွေက လူမျိုးရေး အဓိကရုဏ်းတွေဖြစ်၊ တိုင်းပြည်မတည်မငြိမ်အောင် သူတို့ပဲဖန်တီးပြီး လက်နက်အားကိုးနဲ့ အုပ်ချုပ်ခွင့်ရအာင် အဲသည်လို လုပ်ခဲ့ကြတာပါ။ ကိုကိုကြီး ပြန်စဉ်းစားကြည့်ပါ။ ရခိုင်ပြည်နယ်မှာ သည်လိုမျိုးဖြစ်မှာ ကျမတို့ သိပ်ကို စိုးရိမ်တယ်။ ဖြစ်သွားခဲ့ပြီလို့လည်း ယူဆတယ်။

ကျမတို့က ရိုဟင်ဂျာတွေဘက်က သတ်ဖြတ်ကျူးလွန်မှုတွေ မရှိဘူးလို့ ဘက်လိုက်ပြီး ခုခံကာကွယ်ပြောဆိုနေတာ မဟုတ်ဘူးရှင့်။ ဘုန်းကြီးကျောင်းတွေ မီးရှို့ခံရတာတွေ ရှိသလို ဗလီတွေ ဖျက်ဆီးခံရတာတွေရှိကြောင်း ကြားရတယ်။ ပြစ်မှုကျူးလွန်တဲ့ နှစ်ဘက်လုံးကို ထိထိရောက်ရောက် အရေးယူပေါ့။ အဲသလို မဟုတ်ဘဲနဲ့ အမျိုးသားရေးကိစ္စဆိုပြီး ရိုဟင်ဂျာတွေကိုသာ ကွက်ပြီး သတ်ဖြတ်တာ၊ နှိပ်စက်တာ၊ လူမဆန်တဲ့ အပြုအမူတွေ ပြုကျင့်မယ်ဆိုရင်တော့ ကျမတို့ လက်မခံနိုင်ဘူးရှင့်။ ကိုကိုကြီး သုံးနှုန်းသွားတဲ့ စကားလုံးအသုံးအနှုန်းတွေဟာ သည်လို မတရားတာ
တွေ ပြုကျင့်စေဖို့ အားပေးရာရောက်တာမျိုး မဖြစ်သင့်ဘူးလို့ ပြောပါရစေ။

ကိုကိုကြီး အပါအ၀င် ပြည်တွင်းက လူထုတွေ တကယ့်အများစုကြီးဟာ ဆယ်စုနှစ်တချို့လာက် ပြင်ပကမ္ဘာနဲ့ အဆက်အသွယ်ဖြတ်ခံထားခဲ့ရတယ်။ မြန်မာနိုင်ငံလိုပဲ စစ်အာဏာရှင် လွှမ်းမိုးကြီးစိုးခဲ့တဲ့ အင်ဒိုနီးရှားနိုင်ငံကို ထွက်ပြီး လေ့လာကြည့်ပါ။ မြန်မာနိုင်ငံမှာ အခု လူထုတွေ အများစုကြီးက အပြောင်းအလဲလို့ ယူဆနေကြတဲ့ အနေအထားတွေဟာ လွန်ခဲ့တဲ့ ၁၅ နှစ်လောက်က (၁၉၉၇ ခုနှစ်အထိ) အင်ဒိုနီးရှားနိုင်ငံမှာ အာဏာရှင် ဆူဟာတိုက ကျင့်သုံးခဲ့တဲ့ Guided Democracy လို့ခေါ်တဲ့ လမ်းညွှန်ဒီမိုကရေစီအောက်က ရခဲ့တဲ့ ဒီမိုကရေစီအခွင့်အရေးကို တောင်မမီသးဘူးရှင့်။ အခုမြန်မာနိုင်ငံမှာ အာဇာနည်နေ့မှာ ဆန္ဒပြခွင့်ကလေးတွေ ရလာတာကို လူထုတွေက ကျေးဇူးတင်နေကြရတဲ့အဆင့်ပဲ ရှိသေးတယ်။ သည့်ထက်သာတဲ့ အခွင့်အရေးမျိုးတွေကို အင်ဒိုနီးရှားမှာ အာဏာရှင်ဆူဟာတို ရှိစဉ်ကတည်းက ရခဲ့တာပါ။ တကယ်တော့ အနှစ်သာရအရ ဘာမှမပြောင်းလဲသေးဘူးဆိုတာ ရှင်းနေပါတယ်။

ဘာဘဲဖြစ်ဖြစ် ရသမျှ အခွင့်အရေးကလေးတွေကို ယူပြီး စစ်အာဏာရှင်စနစ်ကို တောက်လျှောက်
ဆန့်ကျင် တိုက်ပွဲဝင်ခဲ့တဲ့အတွေ့အကြုံရှိတဲ့ မြေပေါ်တော်လှန်ရေးသမားကြီးတွေ၊ နိုင်ငံရေးအကျဉ်းသားဟောင်းကြီးတွေ၊ ၁၉၆၂ ခုနှစ် ကျောင်းသားခေါင်းဆောင်ဟောင်းကြီးတွေက အချင်းချင်း အပြန်အလှန် စုစည်းစည်းရုံးနေကြတာတွေ၊ ကိုမင်းကိုနိုင်၊ ကိုကိုကြီးတို့ ခေါင်းဆောင်တဲ့ ရှစ်လေးလုံးမျိုးဆက်ကျောင်းသားတွေက တပြည်လုံးထွက်၊ စည်းရုံးလှုပ်ရှားနေကြတာတွေ၊ ကိုကျော်
ကိုကို ခေါင်းဆောင်တဲ့ ဗကသ ကျောင်းသားတွေက တပြည်လုံးမှာ ဗကသတွေ ပြန်လည်ဖွဲ့စည်းဖို့ လုပ်နေကြတာတွေ၊ ဒါတွေအားလုံးကို ကျမတို့ လုံးဝ တန်ဖိုးထား အသိအမှတ်ပြုပါတယ်။ အခက်အခဲတွေကြားကနေ လုပ်နေကြရတဲ့ အခြေအနေကိုလည်း သဘောပေါက်ပါရဲ့ရှင်။

ဒါပေမယ့် တချိန်တည်းမှာ လူထုတွေကျောင်းသားတွေကို အခြေအနေမှန်ကို အမှန်အတိုင်း အသိပေးဖို့၊ မျှော်လင့်ချက်အမှားတွေ ရှိမလာစေဖို့၊ နိုင်ငံရေးအရ လမ်းကြောင်းချော်သွားစေမယ့် အပြောအဆိုမျိုးတွေ မပြောမိစေဖို့ ရိုးရိုးသားသား အကြံပေးချင်တာကြောင့် သည်စာကို ရေးလိုက်တာပါပဲရှင်။

“ကျနော်တို့ ဒီမိုကရေစီအင်အားစုတွေအားလုံးက အမျိုးသားရေးကိစ္စအဖြစ် သတ်မှတ်ပြီး မြန်မာ့တပ်မတော်နှင့် လက်တွဲဖြေရှင်းသွားမယ်” လို့ ကိုကိုကြီး ပြောသွားခဲ့တယ်။ “ဒီမိုကရေစီ အင်အားစုတွေ အားလုံးက” လို့ ကိုကိုကြီး ဘာကြောင့် သုံးသွားတာလဲ။

အမျိုးသားဒီမိုကရေစီအဖွဲ့ချုပ် သဘောဆန္ဒလည်း တိတိကျကျ ထုတ်ဖော်တာ ဘာမှ မကြားရသေးဘူး။ ဒေါ်အောင်ဆန်းစုကြည် ဖွင့်ပြောတာလည်း နားထောင်ခွင့်မရသေးဘူး။ ရိုဟင်ဂျာတွေက ရခိုင်လူထုအပေါ် သတ်ဖြတ်တာ၊ နှိပ်စက်ညှင်းပန်းတာ၊ ရွာတွေ မီးရှို့တာရှိရင် အဲဒါတွေ အားလုံးကို ကျမတို့ ပြင်းပြင်းထန်ထန် ရှုတ်ချတယ်။ ထိထိရောက်ရောက် အရေးယူဖို့လည်း တာင်းဆိုတယ်။ ဒါပေမယ့် အမျိုးသားဒီမိုကရေစီအဖွဲ့ချုပ်ရော ဒေါ်အောင်ဆန်းစုကြည်ကပါ ရိုဟင်ဂျာနဲ့ ရခိုင်လူထုတွေ ဖြစ်ပွားခဲ့တဲ့ လူမျိုးရေးအသွင်ဆောင်တဲ့ ပြဿနာမှာ အမျိုးသားရေးလို့ သတ်မှတ်တယ်ဆိုပြီး ဘက်တဘက်ထဲကပဲရပ်၊ ရိုဟင်ဂျာတွေအပေါ် သတ်ဖြတ်ချင်သလိုသတ်ဖြတ်၊ ရက်စက်ချင်သလို ရက်စက်၊ လူသားချင်း စာနာထောက်ထားတဲ့ အခြေခံကနေ အသက်ရှင်ရပ်တည်လို့တောင် မရအောင် ခံစားနေကြရတဲ့ အခြေအနေမျိုး ဖြစ်စေမယ်ဆိုရင်တော့ ဒါကို လျှစ်လျှရှုထား၊ မသိချင်ယောင်ထားပြီး ထောက်ခံတဲ့သဘောနဲ့ နေလိမ့်မယ်လို့ ကျမတို့တော့ မထင်ဘူးရှင့်။

ပြီးတော့ ဒီမိုကရေစီအင်အားစုတွေ အားလုံးကလို့ ကိုကိုကြီး သုံးသွားတာ ကျမတို့လို မလွှဲသာလို့ တိုင်းပြည်ပြင်ပရောက်နေကြတဲ့ ပုဂ္ဂိုလ်တွေ၊ အင်အားစုတွေ၊ နိုင်ငံတကာမှာ ရောက်နေကြတဲ့ ဒီမိုကရေစီရေး လှုပ်ရှားတက်ကြွတဲ့ အဖွဲ့အစည်းအသီးသီးတွေကို ထည့်မတွက်တော့ဘူးလားရှင့်။ ဒီမိုကရေစီအင်အားစုတွေ အားလုံးကို ကိုယ်စားပြုပြီး ပြောခြင်ဆိုချင်တယ်ဆိုရင် သူတို့သဘောထားဆန္ဒ
ကို ကြိုတင်မေးဖို့ မလိုဘူးလား။ ဒီပုဂ္ဂိုလ်တွေ၊ အဖွဲ့အစည်းတွေ အားလုံးဟာ ကိုကိုကြီးတို့ ထောင်ထဲမှာ ရှိနေတုန်းက နိုင်ငံရေးအကျဉ်းသားတွေ လွှတ်ပေးဖို့ ကမ္ဘာပတ်ပြီး တောင်းဆို၊ စစ်အစိုးရကို ဖိအားပေးခဲ့ကြသူတွေပါ။ သူတို့သဘောဆန္ဒကိုရော အလေးမထားသင့်ဘူးလား။ သူတို့သဘောဆန္ဒကိုလည်း မယူဘဲနဲ့ ကိုကိုကြီးနဲ့ နီးစပ်သူတချို့လောက်ရဲ့ သဘောထားနဲ့ပဲ ဘာကြောင့် အမျိုးသားရေးကိစ္စဆိုပြီး သတ်မှတ်လိုက်တာလဲရှင့်။

ဒီမိုကရေစီအင်အားစုတွေအားလုံးက သတ်မှတ်တယ်ဆိုရင်ရော ဒါဟာ အမျိုးသားရေးကိစ္စ ဖြစ်သွားပြီလား။ စစ်အာဏာရှင်စနစ်ကို ဆန့်ကျင်တိုက်ပွဲဝင်နေတဲ့ တိုင်းရင်းသားလက်နက်ကိုင် တော်လှန်ရေးအဖွဲ့တွေရဲ့ သဘောဆန္ဒကို မယူသင့်ဘူးလား။ သူတို့သဘောမပါဘဲနဲ့ ဦးသိန်းစိန် ဦးဆောင်တဲ့ စစ်အစိုးရသစ်နဲ့ သဘောထားချင်းတူရုံနဲ့ အမျိုးသားရေးကိစ္စလို့ သတ်မှတ်လို့ ရပါ့မလားရှင့်။

အခု ရိုဟင်ဂျာ ရခိုင်အရေးအခင်းမှာ တာဝန်အရှိဆုံးက ဘယ်သူလဲ။ ကိုကိုကြီး စဉ်းစားကြည့်ပါ။ လက်ရှိ တက်နေတဲ့ သမ္မတ ဦးသိန်းစိန်နဲ့ သူ့အောက်က ပြည်နယ်အုပ်ချုပ်ရေး အာဏာပိုင်တွေပဲ။ တိုင်းပြည်အုပ်ချုပ်နေရင် ကိုယ့်လူထုအကြောင်းကို ကိုယ်သိရမှာပေါ့။ ရိုးရိုးသားသား ဖြစ်ဦးတော့ ရခိုင်ပြည်နယ်မှာ ဒါမျိုးဖြစ်လာရင် လူမျိုးရေးပဋိပက္ခ ဖြစ်သွားနိုင်တယ်ဆိုတာ ကလေးကအစ သိတယ်။ ဖြစ်ဖြစ်ချင်း ဘယ်ဘက်ကပဲ ကျူးလွန်ပါစေ၊ ပြစ်မှုကျူးလွန်သူ နှစ်ဘက်လုံးကို ချက်ချင်း အရေးယူ၊ လုံခြုံရေးတပ်ဖွဲ့တွေ ချက်ချင်းချ၊ လူထုအတွင်း ရှင်းလင်းမှုတွေ ချက်ချင်းလုပ်၊ အဓိကရုဏ်း မဖြစ်အောင် တားဆီးနိုင်ရမှာပေါ့။ သည်လို ဘာကြောင့် မလုပ်ခဲ့သလဲ။ သမိုင်းအတွေ့အကြုံတွေအရ စဖြစ်ကတည်းက ကျမတို့မှာ သံသယရှိခဲ့တာ။ အခု နိုင်ငံတကာလူ့အခွင့်အရေးအဖွဲ့အစည်းကြီးဖြစ်တဲ့ Human Rights Watch ရော အခြားလူ့အခွင့်အရေးအဖွဲ့အစည်းတွေ အတော်များများကပါ ဦးသိန်းစိန်အစိုးရရဲ့ ပါဝင်ပတ်သက်မှုကို အတိအကျ စွပ်စွဲလာတဲ့ အခါကျတော့မှ ကျမတို့ ပိုပြီး သေချာသွားတယ်။

တကယ်တော့ သံလျက်တော်ယူတဲ့ သူခိုးက ဆိုတဲ့ ဇာတ်ထဲကလို ဘုရင်ကိုယ်တိုင်က သူခိုးဖြစ်နေတာပဲ မဟုတ်လား။ ဦးသိန်းစိန် ဦးဆောင်တဲ့ စစ်အာဏာရှင်လက်သစ်တွေက တရားခံဖြစ်နေတာ မဟုတ်ဘူးလား။ အားနည်းသူ ရိုဟင်ဂျာတွေကို ဖိနှပ်ရက်စက်၊ ရခိုင်အမျိုးသားတွေကို ကာကွယ်သယောင်ပြပြီး စစ်တပ်ကို လူစွမ်းကောင်းနေရာမှာရောက်အောင် တွန်းတင်တဲ့ အကြံနဲ့ စစ်အာဏာရှင်တွေနဲ့ ပူးပေါင်းကြံစည်တဲ့အထဲမှာ ကိုကိုကြီးက ဘာကြောင့်ပါချင်ရတာလဲ။

ရိုဟင်ဂျာတွေ ၀င်လာတာဟာ အမျိုးသားရေးကို ထိပါးတယ်၊ အမျိုးသားလုံခြုံရေးပြဿနာ ဖြစ်တယ်ဆိုရင် တရုတ်တွေကိုတော့ ဘာကြောင့်အရေးမယူသလဲ။ မန္တလေးတမြို့လုံးလောက်နီးနီး တရုတ်တွေ သိမ်းထားသလိုဖြစ်တာ ဘယ်လိုရှင်းမလဲ။ လူဝင်မှုကြီးကြပ်ရေးကို အကြီးအကျယ် လာဘ်ထိုးပြီး နိုင်ငံသားလက်မှတ်အမျိုးမျိုး ကိုင်နေကြတာတွေကို ဘယ်လိုရှင်းမလဲရှင့်။

နိုင်ငံခြားသားတွေ ဆယ်စုနှစ်တချို့အတွင်း သန်းတချို့ချီပြီး ၀င်လာတဲ့ကိစ္စမှာ အဓိက တာဝန်ရှိသူတွေဟာ ၁၉၆၂ ခုနှစ်က စပြီး တိုင်းပြည်ကို အာဏာသိမ်းအုပ်ချုပ်ခဲ့တဲ့ စစ်ခေါင်းဆောင်တွေ မဟုတ်ဘူးလား။ တရုတ်ပြည်က အခုအချိန်မှာ အင်အားတောင့်တင်းနေတော့ စစ်အာဏာရှင်တွေက ကြောက်တာကြောင့် တရုတ်ကိုတော့ ဘာမှ သွားပြီး ပြဿနာမရှာရဲ၊ အားနည်းတဲ့ ရိုဟင်ဂျာတွေကို ဖိထောင်းပြတာမျိုးဟာ တရားရဲ့လား။ သည်လိုတရားမဲ့ လုပ်တဲ့အတွက် မကောင်းတဲ့ အကျိုးဆက်အနေနဲ့ ရခိုင်အမျိုးသားလူထုတွေအတွင်းမှာ မတည်မငြိမ် တောက်လျှောက်ဖြစ်၊ ကိုယ့်လုံခြုံရေးတောင် ကိုယ်စိတ်မချရဘူးဆိုရင် စီးပွားရေးလည်း စိတ်အေးလက်အေး လုပ်ခွင့်မရ၊ ဒီလိုအခြေအနေဟာ ရခိုင်လူထုအတွက် အမျိုးသားအကျိုးစီးပွားလို့ ပြောနိုင်ပါ့မလားရှင့်။

ကျမတို့မိသားစုအနေနဲ့ကတော့ ရိုဟင်ဂျာလူထုအပေါ်ဖြစ်ဖြစ်၊ ရခိုင်လူထုအပေါ်ဖြစ်ဖြစ် လူ့အခွင့်အရေးချိုးဖောက်တာ၊ Genocide လို့ ခေါ်တဲ့ လူမျိုးတုံးသတ်ဖြတ်မှု ကျူးလွန်မှာမျိုးကိုတော့ ဘယ်လိုနည်းနဲ့ ဘယ်အကြောင်းပြချက်နဲ့မှ လက်မခံနိုင်ဘူး ဆိုတဲ့အကြောင်း ကိုကိုကြီးကို အသိပေးလိုက်ပါရဲ့ရှင်။

စစ်အာဏာရှင်စနစ် တိုက်ဖျက်ရေးစိတ်ဓာတ်ကို ကျမတို့မိသားစုဟာ အသက်နဲ့ရင်း ဘ၀နဲ့ ရင်းပြီး ထူထောင်ခဲ့ရတာပါ။ တချိန်ကျရင် စစ်အာဏာရှင်စနစ်ဟာ မြန်မာနိုင်ငံမှာ ပြုတ်ပြုတ်ပြုန်းသွားလိမ့်မယ်လို့ လုံးဝယုံကြည်တယ်။ တော်လှန်ရေးဟာ မပြီးသေးဘူးလို့ ကျမတို့ ခံယူတယ်။ စစ်အာဏာရှင်စနစ် ဆန့်ကျင်ရေးတိုက်ပွဲဟာ နည်းလမ်းပေါင်းစုံနဲ့ အရှိန်အဟုန်ပြင်းပြင်း လာဦးမယ်လို့ ကျမတို့ တွက်တယ်။ အရေးကြီးတာက စိတ်ဓာတ်ပဲ။ ကျောင်းသားခေါင်းဆောင် ဆလိုင်းကိုတင်မောင်ဦးဟာ သူ့အသက်ကို ပေးပြီး စစ်အာဏာရှင်စနစ် ဆန့်ကျင်ရေးစိတ်ဓာတ်ကို အမြင့်ဆုံး တင်သွားခဲ့တယ်။ ကိုကိုကြီး ပြောလိုက်တဲ့ စကားတလုံး၊ နောင်သည်လိုမျိုး ဆက်ပြောနိုင်တဲ့ စကားလုံးတွေကြောင့် ကျောင်းသားတွေ၊ လူထုတွေ စိတ်ဓာတ်ဦးကျိုးသွားမှာကို စိုးရိမ်တယ်။

စစ်အာဏာရှင်စနစ်ကို အသက်သွင်းတဲ့ စစ်ခေါင်းဆောင်အဆက်ဆက်အောက်မှာ ကိုကိုကြီး ပြောတဲ့ တပ်မတော် ဆိုတာဟာ လူထုကို ကာကွယ်တဲ့ အနှစ်သာရပျက်ယွင်းနေတဲ့ အဖွဲ့အစည်းဖြစ်တာ ကြာနေပြီ။ ဗိုလ်ချုပ်အောင်ဆန်း စတင်တည်ထောင်ခါစက လူထုချစ်တဲ့ တပ်မတော်ဆိုတာ သမိုင်းထဲမှာပဲ ကျန်သွားပြီ။ တိုင်းရင်းသားပေါင်းစုံ လူထုတွေကိုသာမက သံဃာတော်တွေကိုပါ ပစ်သတ်တဲ့ “သတ် မတော်” ဖြစ်သွားပြီ။ စစ်အာဏာရှင်စနစ်အောက်မှာ စစ်ခေါင်းဆောင်အဆက်ဆက် ကျူးလွန်ခဲ့တဲ့ လူ့အခွင့်အရေးချိုးဖောက်မှု ရက်စက်မှုတွေကြောင့် အမျိုးသားစည်းလုံးညီညွတ်ရေး ပြိုကွဲခဲ့တာပဲရှင့်။ အမျိုးသားပြန်လည်သင့်မြတ်ရေး ဆိုတာကို စစ်အာဏာရှင်စနစ်ရှိနေသမျှ ကိုကိုကြီး စိတ်ကူးမယဉ်စေချင်ဘူး။ ရဲရင့်တဲ့ ကျောင်းသားခေါင်းဆောင်တဦးအနေနဲ့ ခင်ဗျားတို့ စစ်ခေါင်းဆောင်တွေ
စစ်အာဏာရှင်စနစ်ကို အရင်ဖြုတ်ပါလို့ ဘာကြောင့် မပြောသလဲရှင့်။

ရိုဟင်ဂျာကို လက်ညှိုးထိုးပြီး အဲဒီစစ်တပ်ကို သူရဲကောင်းလို လူထုတွေက ထင်ယောင်ထင်မှား ဖြစ်လာစေမယ့် စကားမျိုးတွေကို ကျောင်းသားခေါင်းဆောင်တဦးနေရာကနေ မသုံးဖို့ မေတ္တာရပ်ခံပါရစေရှင်။

မတရားမှုကို ဆန့်ကျင်၊ တရားမျှတမှုအတွက် တိုက်ပွဲဝင်တဲ့ ကျောင်းသားတို့ရဲ့ ခွပ်ဒေါင်းစိတ်ဓာတ်ကို ပြန်လည်တည်ဆောက်ရင်း စစ်အာဏာရှင်စနစ်ကို ပြတ်ပြတ်သားသား ဆန့်ကျင်တိုက်ပွဲဝင်သွားမယ့် ကျောင်းသားခေါင်းဆောင်တဦးအဖြစ် ကိုကိုကြီးကို မြင်တွေ့လိုပါကြောင်း ပြောရင်း သည်စာကို နိဂုံးချုပ်လိုက်ပါတယ်။

မလှမြိုင် (ခေါ်) မိုင်ပိုပို