အဆက်ဆက်သောအုပ်ချုပ်ရေးစနစ်များကြောင့် မြန်မာ ပြည်သူများသည် ဥပဒေစိုးမိုးမှု အရသာကိုမခံစားခဲ့ရချေ။ ဥပဒေအား လက်တ လုံးခြားလုပ်ခြင်း၊ အာဏာအလွဲသုံးစားလုပ်ခြင်း ၊ ဆွေမျိုးတစ်စုကောင်းစားရေး ၀ါဒကျင့် သုံးခြင်းများကြောင့် ပြည်သူများသည် အဖိနှိပ်ခံ ဘ၀ သို့ရောက်ခဲ့ကာလူအခွင့်အရေးဆုံးရှုံးခဲ့ရသည်။ တရားဥပဒေစိုးမိုးရေး အရသာကို ပြည်သူများမျှော်လင့်ခဲ့ကြသည်။အရပ်သားအစိုးရမှ ပြုပြင်ပြောင်းလဲမှုများစွာဆောင်ရွက်လာ၍ ဒီမိုကရေစိခေါင်းဆောင်သည် ပြီးခဲ့သော ကြားဖြတ်ရွေးကောက်ပွဲတွင် ၀င်ရောက်ယှဉ်ပြိုင်ခဲ့သည်။
မဲဆွယ်ပွဲများတွင် ဒေါ်အောင်ဆန်းစုကြည်က မြန်မာနိုင်ငံတွင် ဥပဒေစိုးမိုးမှုမ ရှိကြောင်းတရား ဥပဒေစိုးမိုး ရန် ဆောင်ရွက်သွားမည်ဖြစ်ကြောင်းမဲဆွယ်စည်းရုံးခဲ့သည်။ လွတ်တော် အတွင်းရောက်သည်နှင့် ပထမဆုံးဆောင်ရွက်မည့်ကိစ္စသည် တရားဥပဒေစိုးမိုးရေးဟု ပြည်တွင်းမီဒီယာများသို့ ပြောကြားခဲ့ပါသည်။ တရားဥပဒေစိုးမိုးမှုလိုလားကြသော ပြည်သူများမှ အမျိုးသားဒီမိုကရေစီအဖွဲ့ချုပ်အားတခဲနက်မဲပေးခဲ့ရာအမတ် နေရာ ၄၃နေရာတွင် အနိုင်ရရှိခဲ့ပါသည်။
ရွေးကောက်ပွဲအနိုင်ရခဲ့သောဒေါ်အောင်ဆန်းစုကြည်နှင့် NLD အမတ်လောင်းများလွတ်တော်တက်ရန် ပြင်ဆင်နေချိန် ကံမနှင့် ဆိုင်းတောင် ဖြစ်ရပ်များ ဆက်တိုက် ဆိုသလိုပေါ်ပေါက်လာခဲ့သည်။
ကံမမြို့နေမြန်မာ မွတ်စလင်များ ၏အိုးအိမ်စည်းစိမ်များ၊နှင့် ဗလီတစ်လုံးတို့မှာ ဧပြီ၁၃ ရက်နေ့တွင် ဖျက်စီးခံရကြောင်းဖားကန့်မြို့နယ် ဆိုင်းတောင်ကျေးရွာရှိဗလီအား၁၂ရက်နေ့တွင် ဖြိုဖျက်ခဲ့ကြောင်းmmsy၊ မွတ်စလင်သတင်းစဉ် ၊myanmmarmuslim.net သတင်းများတွင်ဖေါ်ပြခဲ့သည်။
ဗမာလူမျိုးအစ္စလာမ် ဘာသာကိုးကွယ် သူတစ်ဦးကအဆိုပါ ဖြစ်ရပ်များနှင့်ပတ်သက်၍ ဤသို့ပြောကြားပါသည်။
“အဲဒီဒေသတွေ မှာရှိတဲ့ မြန်မာမွတ်စလင်တွေရဲ့ အိုးအိမ်စည်းစိမ်တွေပျက်စီးရုံတင်မဟုတ်ပဲမြန်မာမွတ်စလင်တမျိုးသားလုံးရဲ့ ဂုဏ်သိက္ခာညှိုးနွမ်းစေတယ်။ လူတစ်စုရဲ့ အကြမ်းဖတ်လုပ်ရပ် ကြောင့် ဗုဒ္ဓတရားတော် နဲ့အညီကျင့်ကြံနေတဲ့ ရိုးသားတဲ့ ဗုဒ္ဓဘာသာဝင် ထုကြီးကိုပါ စော်ကားသလိုဖြစ်နေပါတယ်။ “
ဤသို့ လူနည်းစုမြန်မာမွတ်စလင်များ၏ အိုးအိမ် များ၊ ဗလီဝတ်ကျောင်းတော်များ ဥပဒေမဲ့ ဖျက်ဆီးခံရခြင်းဖြစ်ရပ် ကဥပဒေစိုး မိုးရေး လုပ်ဆောင်မည့် အမတ်လောင်းဒီမိုကရေစီခေါင်းဆောင် ဒေါ်အောင်ဆန်းစုကြည် နှင့် NLD အမတ်များအပေါ်စမ်းသပ်ချက်ဖြစ်လာနေသည်။
မြန်မာမွတ်စလင် လူငယ်တစ်ဦးဖြစ်သူမောင်မြဟန် က ကံမ၊ ဆိုင်းတောင်ဖြစ်ရပ် နှင့် ပတ်သက်ပြီး“ဖွဲ့စည်းပုံ အခြေခံဥပဒေ အရ ပြည် သူတွေ ရဲ့ အသက်အိုးအိမ်စည်းစိမ် ကိုကာကွယ်ပေးရမယ်။ ကံမ၊ဆိုင်းတောင်က မြန်မာမွတ်စလင်တွေလဲဒီအခွင့် အရေးရရမယ်။ ဒီကိစ္စ ကိုတရားမျှတ စွာနဲ့ ဖြေရှင်းပေးရမယ်။ ပျက်စီးသွားတဲ့ တန်ဖိုးအတိုင်းပေးလျော်ပေးရမယ်။ လုသွားတဲ့ ပစ္စည်းတွေ ကိုလည်းလျော်ပေးရ မယ်။ ပျက်စီး သွားတဲ့ ဗလီတွေ ကိုလည်းပြန် ဆောက်ပေးရမယ်” ဟုပြောပါသည်။
ဒီမိုကရေစီခေါင်းဆောင် ဒေါ်အောင်ဆန်းစုကြည်အနေဖြင့် အဆိုပါ ဥပဒေပြင်ပလုပ်ရပ်များဥပဒေအရိပ်အောက်သို့ မည်သို့ မည်ပုံခေါ်ဆောင် မည်၊ လူနည်းစုဘက်တွင် မည်သို့ရပ်တည်ပေးမည် ဆိုသည် ကို မြန်မာမွတ်စလင် များကစောင့်ကြည့် လျက်ရှိနေသည်။ ဒီမိုကရေစီခေါင်းဆောင်၏ တရားစိုးမိုးရေးစွမ်းဆောင်ချက်ကိုမြန်မာမွတ်စလင် တို့ အကဲဖြတ်ရပါလိမ့်မည်။
No comments:
Post a Comment
ပေးထားသည့် မှတ်ချက်များအား မကြာမီ တင်ပေးပါမည်။ခေတ္တစောင့်ဆိုင်းပါ။
ကျေးဇူးတင်ပါသည်။