ဂုဏ်လင်းထိန်ထိန် ရဲ့ မီဒီယာများသို့ အသိပေးပန်ကြားလွှာ

မီဒီယာများသို့ အသိပေးပန်ကြားလွှာ ( သတင်း ဆောင်းပါး ) ....ဂုဏ်လင်းထိန်ထိန်

၃-၆-၂၀၁၂ ညနေတွင် တောင်ကုတ်မြို့၌ သံတွဲမြို့မှ မောင်းနှင်လာသော ရိုးမသစ္စာ ခရီးသည်တင် ကားကို တောင်ကုတ်မြို့သား တစ်ချို့မှ တားဆီးရပ်တန့်စေပြီး ကားပေါ်တွင် လိုက်ပါလာသော မွတ်စလင်အမျိုးသား (၁၀)ဦးအား ကားပေါ်မှ ဆင်းခိုင်းကာ ၀ိုင်းဝန်းရိုက်နှက်ထိုးခုတ်ကြသဖြင့် (၁၀)ဦးစလုံး သေဆုံးခဲ့ကြရ ပါသည်။

စည်းကမ်းပြည့်ဝသော ဒီမိုကရေစီစနစ်ကို စတင်အရှိန် ယူဆောင်ရွက်နေစဉ်၌ပင် ပထမဦးဆုံး အဆိုးရွားဆုံး မင်းမဲ့စရိုက်ဆန်စွာ ပြည်တွင်းအကြမ်းဖက် ရမ်းကားမှုတစ်ရပ်ပင်ဖြစ်ပါသည်။
ထိုဖြစ်စဉ်၏ အကြောင်းပြချက်မှာ ကျောက်နီမော်ကျေးရွာတွင် မသီတာထွေးအမည်ရှိ
ဗုဒ္ဓဘာသာဝင် အမျိုးသမီးတစ်ဦးကို မွတ်စလင် လူငယ်(၃)ဦးက မတရားပြုကျင့်ခဲ့သည်ဟု မကျေနပ်သဖြင့် လက်တုန့်ပြန် ခြင်းဟု ....

ဆိုပါသည်။ထိုပြစ်မှုကျူးလွန်သူ (၃)ဦးအား ကျောက်ဖြူမြို့ ရဲစခန်း၌ ဖမ်းဆီးထားချိန်တွင် ဤဖြစ်ရပ်ဆိုး ပေါ်ပေါက်ခဲ့ခြင်းဖြစ်ပါသည်။

 

 

မိမိဘာသာဝင် အမျိုးသမီးတစ်ဦး မတရားပြုကျင့်ခံရခြင်းကို မခံမရပ်နိုင်ဖြစ်ကြခြင်းမှာ သဘာဝကျပါသည်။ သို့ရာတွင် ထိုမခံမရပ်နိုင် သော ခံပြင်းစိတ်ကို အကြောင်းပြု၍ ကျူးလွန်မှုတွင် မပါဝင်သော ဘေးလူများကို အသိဥာဏ် မဲ့စွာ လက်စားချေ တိုက်ခိုက်ခြင်းသည် သဘာဝမကျရုံသာမက လူမဆန်သောလုပ်ရပ်တစ်ခု လည်း ဖြစ်ပါသည်။

ဗုဒ္ဓဘာသာဝင် အမျိုးသမီးတစ်ဦးအား စော်ကားသဖြင့် ကျန်သော ဗုဒ္ဓဘာသာဝင်များက
လူမိုက်ဆန်ဆန် လူရမ်းကားဆန်ဆန် ပြုကျင့်မည်ဆိုပါက ဗုဒ္ဓနည်းမကျသည့်ပြင် ဗုဒ္ဓဘာသာကိုပါ စော်ကားမှုပြုရာရောက် ပေတော့မည်။

အကြောင်းသော်-
အကြင်သူသည် ငါးပုပ်ကို သမန်းမြက်ဖြင့် ထုတ်၏။ ထိုသူ၏ သမန်းမြက်တို့သည်လည်း အပုပ်နံ့ လှိုင်သကဲ့သို့ သူမိုက်တို့ကို မှီဝဲသူတို့သည်လည်း ဤအပုပ်နံ့လှိုင်ကုန်၏။ (သုခပတ္တနာသုတ်)
ဗုဒ္ဓဘာသာအမည်ခံ လူမိုက်တို့၏ အပုပ်နံ့ကြောင့် ဗုဒ္ဓဘာသာကြီးအဖို့ အများအထင်သေးစရာဖြစ်ကာ အကျည်းတန်မှုဘက်သို့ ယိမ်းယိုင်သွားနိုင်ပါသည်။

မျက်ကန်းမျိုးချစ်စိတ်နှင့် အရူးဆန်သော ဘာသာ သာသနာချစ်စိတ်များသည် ပညာရှင်တို့၏ ရပ်ဝန်းနှင့် လူတော်ကောင်းတို့၏ အ၀န်းအ၀ိုင်းအတွက် ဆိုပါမူ အထင်ကြီးစရာ တစ်ပြားဖိုးမှ မရှိနိုင်ပါ။

၃-၅-၂၀၁၂ ညအချိန်တွင် အသက်(၃)နှစ်သာရှိသေးသည့် လူမမယ်အရွယ် သမီးကလေးတစ်ဦးအား အောင်နိုင် (၃၅နှစ်)က လူမဆန်စွာ မုဒိမ်းကျင့်ပြီးနောက် ပဲခူးမြို့၊ မဇင်းချောင်းရေစပ်နား၌ ပစ်ချထားခဲ့သော ပြစ်မှုတစ်ခု ပဲခူးမြို့၊ အမှတ်(၃)ရဲစခန်းအပိုင်၌ ပေါ်ပေါက်ခဲ့ပါသည်။ (ဤအကြောင်းကို ထိုအချိန်က ထုတ်ဝေခဲ့သော ဂျာနယ်တစ်ချို့၌ တွေ့ရပါသည်။ ဥပမာ-စောင့်ကြည့် ၁၅-၅-၂၀၁၂) သို့သော် ဤ အဖြစ်အပျက်၌ မုဒိမ်းပြုကျင့်ခံရသူ သမီးငယ်လေးမှာ အသက်(၃)နှစ်သာ ရှိသေးသည့်အပြင် လူမဆန်စွာ ကျူးလွန်သူ ကိုအောင်နိုင်မှာလည်း ဗုဒ္ဓဘာသာဝင် တစ်ဦးဖြစ်ရာ မည်သူကမျှ
“ဒီလူတွေကြောင့် ဗုဒ္ဓဘာ သာ သိက္ခာကျရတယ်။ အများအထင်သေးစရာ ဖြစ်ရတယ်”ဟု အရေးတယူ ပြောဆိုရေးသားခြင်း မျိုးကို မဖတ်လိုက်ရ။ မကြားလိုက်ရသလို ပဲခူးမြို့ရှိ မည်သည့် ဗုဒ္ဓဘာသာဝင် အမျိုးသား၊ အမျိုးသမီးကမျှ ကိုအောင်နိုင်နှင့် သူ့အိမ်ရှေ့သွား၍ “အသားထဲကလောက်ကောင်”၊ “နင့်ကြောင့် ဗုဒ္ဓဘာသာ ဗမာလူမျိုး ဘယ်လောက်ထိခိုက်ရသလဲဆိုပြီး ရှုတ်ပြောဆိုမှုကိုလည်း မခံစားလိုက်ကြရပါ။ တရားခံအောင်နိုင်ကိုသာ လျှင် ဥပဒေပုဒ်မ ၃၇၆ ဖြင့် ဖမ်းဆီးအရေးယူခဲ့ခြင်းသာ ရှိပါသည်။

အလားတူပင် ၃-၁၁-၂၀၀၉တွင် ရန်ကုန်မြို့မှ (၃၆)မိုင်သာ ကွာဝေးသော ပဲခူးတိုင်း၊ အင်းတကော် ကျေးရွာ တွင် အသက်(၇နှစ်)အရွယ် မအေးနှင်းလှိုင်အမည်ရှိ Grade-2 ကျောင်းသူ သမီးငယ်လေးတစ်ဦး လူမဆန် သော သူနှစ်ဦး၏ ဖမ်းဆီး အဓမ္မပြုကျင့်မှုကို ခံခဲ့ရသဖြင့် မိဘများက ပြန်တွေ့ချိန်တွင် သမီးငယ် လေးမှာ သတိလစ်နေသဖြင့် ပဲခူးပြည်သူ့ဆေးရုံကြီးသို့ ချက်ချင်းပို့ခဲ့ရာတွင် သမီးငယ်လေး အခြေအနေမှာ စိုးရိမ် စရာဖြစ်နေလို့ ရန်ကုန်ဆေးရုံကြီးကိုသာ သွားသင့်ကြောင်း ပြောသဖြင့် ရန်ကုန် အမျိုးသမီးဆေးရုံကြီးသို့ ခေါ်ဆောင်လာခဲ့ကြပါသည်။ (၇နှစ်)အရွယ်ရှိ မအေးနှင်းလှိုင်မှ
မွတ်စလင်သမီးကလေး တစ်ဦးဖြစ်ပြီး လူမဆန်သော မုဒိမ်းကောင် နှစ်ဦးမှာ ဗုဒ္ဓဘာသာဝင်များဖြစ်ကြရာ ဘယ်မွတ်စလင်ကမှ တစ်ခြားမဆိုင် သော ဗုဒ္ဓဘာသာဝင်များကို ရန်ရှာခြင်း၊ ပုတ်ခတ်စော်ကားခြင်းများ မရှိခဲ့ကြပါ။

တည်ဆဲဥပဒေအရသာ ထိုလူမဆန်သူ နှစ်ဦးသည် ထောင်ဒဏ် (၈)နှစ်၊ ထောင်ဒဏ်(၇)နှစ် အသီးသီး ကျသွားခဲ့ကြပါသည်။ အံ့သြစရာကောင်းတာလား၊ နတ်စောင့်တာလားတော့ မသိပါ။ ထိုလူမဆန်သော သူနှစ်ဦး၏ သတင်းကို ဘယ်သတင်း၊ ဘယ်ဂျာနယ်၌မှပင် မပါရှိခဲ့ပါ။ ယုတ်စွအဆုံး “မှုခင်း”ဂျာနယ်များ၌ပင် မပါရှိပါ။

“သူတော်ကောင်းကို နတ်စောင့်သည်”ဟူ၍သာ ကြားဖူးပါသည်။
“စာနာမှုလုံးဝမရှိတဲ့ လူယဉ်ကျေးတွေ အလစ်ကိုချောင်း တစ်ဖက်သားရဲ့ အငိုက်ကို---”
ပင်ကိုယ်အားနွဲ့သူ အရှုံးနဲ့သာ ခန္ဓာကိုယ် စတေးရရှာတယ်။ သေတပန်ပြောင်းဘ၀ကို အရိုင်းပန်းငယ် မလွန်ဆန်နိုင် ဆက်သရုံပဲ”
စိုင်းထီးဆိုင်၏ ကျော်ကြားလှသော တေးတစ်ပုဒ်ဖြစ်သည့် “မောင့်အရိုင်းပန်း”
သီချင်းသည် ရှမ်းအမျိုးသမီး လေးများ Rape လုပ်ခံရသည့် ကိစ္စနှင့် ပတ်သက်နေသည်ဟု ယူဆပြောဆိုကြပါသည်။ တပ်မတော်သား တစ်ချို့က ပြုခဲ့ကြတာပါဟု ပြောကြပါသည်။ တပ်မတော်သား တစ်ဦးစ၊ နှစ်ဦးစ ထိုသို့သော အမှုမျုိးကိုလုပ်
ကောင်းလုပ်နိုင်ပါသည်။ သို့ရာတွင် ထိုတစ်ဦးစ၊ နှစ်ဦးစကိုသာ ကွက်ကြည့်ပြီး ပြည်သူတို့၏ အသက်၊ စည်းစိမ်နှင့် အမိမြန်မာနိုင်ငံတော်ကြီးကို အကာအကွယ်ပေးနေသော တပ်မတော်သား အားလုံးအား မုန်းတီး မည်ဆိုပါက အဓိပ္ပာယ်လုံးဝ ရှိမည်မဟုတ်ပါ။

လူမျိုးမရွေး၊ဘာသာမရွေး၊ ပြစ်မှုကျူးလွန်သူ အရပ်သားများအတွက် အရပ်ဖက်ထောင်များရှိသလို၊ တပ်မတော်သားများ ကျူးလွန်သော အမှုများအတွက် လည်း စစ်ဘက်ထောင်ရှိပါသည်။ တည်ဆဲဥပဒေများအရသာ အရေးယူအပြစ်ပေးရပါမည်။

ဤ အဖြစ်မျိုး ရှိခဲ့သည့်တိုင် ရှမ်းတို့က ဗမာအားလုံးကို မုန်းမည်ဆိုပါက အညှိုးထားမည်ဆိုပါက အဓိပ္ပာယ် မရှိသော လုပ်ရပ်နှင့် တစ်ဖက်သတ်ဆန်သော စိတ်ထားသာဖြစ်ပါလိမ့်မည်။

ယခုကျွန်ုပ် ဤစာလွှာကို ရေးသားရခြင်းအကြောင်းကို ရေးပါတော့မည်။ လူကြီးမင်းတို့ တာဝန်ယူဆောင် ရွက်နေသော မီဒီယာအပိုင်းနှင့် ပတ်သက်၍ပါ။ မီဒီယာသမားတစ်ဦး၌ Media Ethic, Media ကျင့်ဝတ်သိက္ခာ ရှိရပါမည်။ “မီဒီယာကျင့်ဝတ်သိက္ခာကို စောင့်ထိန်းခြင်း”ဟူသည် အမှန်ကို အမှန်အတိုင်း
ရဲဝံ့စွာ ဘက်မလိုက်ဘဲ တင်ပြခြင်းပါ။ “မီဒီယာကျင့်ဝတ်သိက္ခာကို လေးစားခြင်း”ဟူသည် အမှန်အတိုင်း မဖော်ပြရဲလင့်ကစား ဘက်လိုက်၍ သော်လည်းကောင်း၊ မဟုတ်တာကို ဟုတ်သယောင် မပြောမိ၊ မရေးမိဖို့ပါ။

၂၀၁၂-ဧပြီ သင်္ကြန်တုန်းက ကံမမြို့၌ ဖြစ်ပွားခဲ့သော ဒေသတွင်း အကြမ်းဖက်မှုကို လူကြီးမင်းတို့ မီဒီယာ များက သိကြပါသော်လည်း လုံးဝ ဖော်ပြခြင်းမရှိခဲ့ကြပါ။ ထိုနည်းတူ ယခုတောင်ကုတ် အကြမ်းဖက် ရမ်းကားမှုကိစ္စတွင်လည်း လူကြီးမင်းတို့ မီဒီယာများမှ ဖော်ပြရန် ရှိလာသော် မီဒီယာကျင့်ဝတ်သိက္ခာကို မစောင့်ထိန်းရင်တောင်မှ လေးစားပေးဖို့ပါ
“ဤလောက၌ လူမိုက်တို့သည် ငါတို့သေကြလိမ့်မည်ဟု မသိကြကုန်။
ထိုမသိမှုကြောင့်ပင် ခိုက်ရန် ငြင်းခုံမှုတို့သည် မပြေငြိမ်းနိုင် ကြကုန်။” (ဓမ္မပဒ - ၆)

“အနှစ်ရှိသော တရားကို အနှစ်မရှိဟုလည်းကောင်း၊ အနှစ်မရှိသော တရားကို အနှစ်ရှိဟုလည်း အယူရှိသူ တို့သည် မှားသော ကြံစည်မှု၌သာလျှင် အာရုံရှိကြရာ အနှစ်ရှိသော တရားကို မရနိုင်ကြကုန်။ (ဓမ္မပဒ-၁၁)

ကံ-ကံ၏ အကျိုးကို ယုံကြည်မှုသည် ဘာသာတရားတိုင်း၌ ရှိပါသည်။ ဘာသာတရားများကိုပင် မဆိုထားဘိ၊ သိပ္ပံပညာသဘော အရလည်း အကျုံးဝင်မှုရှိပါသည်။

သိပ္ပံ - “သက်ရောက်မှုတိုင်း၌ ပမာဏတူညီပြီး လားရာဆန့်ကျင်သော တန်ပြန်သက်ရောက်မှုရှိလေသည်။”(နယူတန်၊ ဒြပ်ဆွဲအား ဆိုင်ရာ တတိယနိယာမ)

ဗုဒ္ဓ- “မကောင်းမှုပြုသူသည် ကောင်းကင်၌ တည်နေသော်လည်းကောင်း၊ သမုဒ္ဒရာအလယ်၌
တည်နေ သော်လည်းကောင်း၊ တောင်ခေါင်းသို့ဝင်၍ တည်နေသော်လည်းကောင်း
မကောင်းမှုမှ မလွတ်ရာ။”

အစ္စလာမ်-“အို-ချစ်သား၊ အပြုအမူတစ်စုံတစ်ရာသည် မုန်ညှင်းစေ့ခန့်မျှသာရှိပြီး ကျောက်ဆောင်တစ်ခုခု၌ တည်နေသည်ဖြစ်စေ၊
မိုးကောင်းကင်များ၌ တည်နေသည်ဖြစ်စေ၊ ကမ္ဘာဂြိုဟ်၌ တည်နေသည်ဖြစ်စေ အသင်၏
ရှေ့တော်မှောက်သို့ အသင့်ရောက်ရှိစေမည်။ (ကုရ်အာန် ၃၁း၁၆)

ခရစ်ယာန်- “လူတိုင်းအဖို့ မိမိတို့၏ ကျင့်ကြံမှုနှင့် လျော်ညီသော
အကျိုးအပြစ်ကို ဘုရားသခင်က ပေးတော်မူပေမည်။” (ရောမသြ၀ါဒ ၂း၇)

ဟိန္ဒူ-“အကြင်သူသည် မိမိကိုယ်ကို ကာကွယ်လိုသည်ဖြစ်အံ့၊ ဒေါသဖြစ်ခြင်းမှ ကာကွယ်ပါလေ။ ဒေါသကို မကာကွယ်နိုင်လျှင် ဒေါသက ထိုသူအား ပြန်သတ်လိမ့်မည်။ (သိရုကုရယ်လ်ကျမ်း)

လူကြီးမင်းများခင်ဗျား-
အမှန်တရားရှေ့မှောက်ရောက်သည်နှင့်တစ်ပြိုင်နက် အလိမ်အညာအားလုံးဟာ ခေါင်းငုံ့ကာ မျက်နှာမပြရဲ တော့ပါ။ (အရှက်မရှိသူများအဖို့ ချွင်းချက်ရှိပါသည်။) အားရှိတာက အမှန်တရားပါ။

“မဟုတ်မမှန် ပြောသောသူကို၊ အဟုတ်အမှန် ပြောဆိုခြင်းဖြင့် အောင်ရာ၏။” (ဓမ္မပဒ -၂၂၃)

ပညာရှင်ကြီးတစ်ဦးကို သမိုင်းကိုဘာဖြစ်လို့ သင်ရမှာလဲ လို့မေးတော့ သူ့အဖြေက “သမိုင်းသင်တာ မ အအောင်လို့ပေါ့တဲ့။ ဖြည့်ပြီးပြောချင်ပါသည်။
“အဟုတ်အမှန်သမိုင်းကို သင်မှ မ အ တဲ့အပြင် ကမ္ဘာတန်းရောက်မှာပါ။”
“လုပ်ကြံသမိုင်းကို သင်က အ တဲ့အပြင် အလှခမ်းခြောက်မှာပါ။”

“မှားယွင်းသော အယူအဆ၊ အမြင်အသိရှိနေသူသည် မြတ်သောအကျင့်ကို အားထုတ်
ကျင့်သုံးသည် ဆိုသော်လည်း အကျိုးမရှိနိုင်။” (သုညတ၀ဂ်၊ ဘူမိဇသုတ်)

လက်ရှိ မီဒီယာသတင်းတွေဆိုတာ အနာဂတ်မှာ သမိုင်းမှတ်တိုင်တွေ ဖြစ်လာကြမယ့် အရာတွေပါ။ အဲဒီအချိန်ကျရင် ဘယ်သတင်းဌာန၊ ဘယ်စာနယ်ဇင်း၊ ဘယ်သတင်းသမားက
အားကိုးထိုက်တဲ့ သတင်းသမားလား၊ နှစ်ပြားဖိုးမထိုက်တဲ့ သတင်းသမားလားဆိုတာ
မှတ်ကျောက် အတင်ခံရပါလိမ့်မည်။

ဂုဏ်လင်းထိန်ထိန်