နိရဉ္စရာ သတင်းဌာန၏ လူမျိုးဘာသာပုံသွင်း လှုံ့ဆော်မှု (Racial Profiling) အားကန့်ကွက်ကြောင်း အကြောင်းကြားစာ

ရက်စွဲ – မေ ၂၉ ၊ ၂၀၁၂
 သို့ 
အယ်ဒီတာ၊
နိရဉ္စရာ သတင်းဌာန
 နိရဉ္စရာ သတင်းဌာနမှ မေလ ၂၉  ရက်နေ့  ထုတ်ပြန်သည့်
-ရမ်းဗြဲတွင် အသက် ၁၆ နှစ်အရွယ် အမျိုးသမီးငယ်တစ်ဦး မုဒိမ်းကျင့် သတ်ဖြတ်ခံရ
-ရမ်းဗြဲ မုဒိမ်းကျင့် လူသတ်မူ ကျူးလွန်သူ တရားခံ သုံးဦးကိုညတွင်းချင်း ဖမ်းမိ
ခေါင်းစဉ်ပါ သတင်း နှစ်ပုဒ်သည် ရာဇ၀တ်ကျူးလွန်သည်ဟု စွပ်စွဲခံရသူများအား ကိုးကွယ်ရာဘာသာဖြင့်ယှဉ်တွဲဖော်ပြခဲ့ သည့်အတွက် Racial Profiling (လူမျိုးဘာသာပုံသွင်းလုံ့ ဆော်ခြင်း) ဖြစ်၍  ...

မိမိတို့  အထူးကန့် ကွက်သည်။
ရာဇ၀တ်မှုသတင်းအားလူမျိုးရေးဘာသာရေးကိစ္စအသွင်ဖြင့် ရေးသားဖော်ပြထားသည့်အတွက် မီဒီယာကျင့်ဝတ် ချိုးဖောက်ခြင်းဖြစ်သည်။
ရာဇ၀တ်မှုကျူးလွန်သူများသည် လူမျိုးတိုင်းဘာသာတိုင်းတွင်ရှိသည်။ နစ်နာသူများသည်လည်း လူမျိုးတိုင်း ဘာသာတိုင်းတွင်ရှိသည်။ လူမျိုးဘာ သာခြားကို ကျူးလွန်သကဲ့သို့ လူမျိုးတူဘာသာတူချင်း ကျူးလွန်ခြင်းလည်းရှိသည်။


ဗမာစစ်တပ်က တိုင်းရင်းသား အမျိုးသမီးများအား မတရားပြုကျင့်သောအခါ ဗမာဗုဒ္ဓဘာသာက ကျူးလွန်သည်ဟု ဘယ်တုန်းကမှ မသုံးနှုန်းခဲ့ကြပါ။ ထိုနည်းတူ ၂၀၁၀ ဇန်န၀ါရီလတွင် မုဒိန်းပြုကျင့်ခံရသည့် အသက် ၁၈ နှစ်အရွယ် ရိုဟင်ဂျာအမျိုးသမီးအမှုကို သတင်းပို့ ရာတွင် ကျူးလွန်သူ၏ လူမျိုးနှင့် ဘာသာကို မဖော်ပြခဲ့ဘဲ နစက ၀န်ထမ်းဟုသာ ဖော်ပြကြသည်။
ရာဇ၀တ်မှုသည် ကျူးလွန်သူများနှင့်သာဆိုင်ပြီး ရာဇ၀တ်ပြစ်မှုဆိုင်ရာ တည်ဆဲဥပဒေများအရ အရေးယူရမည် ဖြစ်သည်။ သို့ ရှိရာ လူမျိုး၊ ဘာသာနှင့် ပူးတွဲဖော်ပြခြင်းသည် ရည်ရွယ်သည်ဖြစ်စေ၊ မရည်ရွယ်သည်ဖြစ်စေ လူမျိုးရေး ဘာသာရေးဆိုင်ရာ မလိုလားအပ်သော ပြသနာများပေါ်ပေါက်စေရန် တွန်းအားပေး  ရာရောက်သည်။
ရာဇ၀တ်မှုသတင်းအား လူမျိုးရေး ဘာသာရေး သတင်း အသွင်ရောက်စေသည့် အထက်ပါ သတင်းနှစ် ပုဒ်အား ပြန်လည်ပြင်ဆင်ပေးပါရန်နှင့်၊ နောက်နောင်တွင်လည်း ရာဇ၀တ်မှု ကျူးလွန်သူများအား လူမျိုးရေး၊ ဘာသာရေးတို့ ဖြင့် ယှဉ်တွဲခြင်းမပြုရန် လေးစားစွာ တိုက်တွန်းအကြောင်း ကြားအပ်သည်။

MMSY Media (news.mmsy.info)
မြန်မာမွတ်စလင်မ်မီဒီယာ (myanmarmuslim.net)
ဆက်သွယ်ရန် - myanmarmuslim.net@gmail.com
                - news@mmsy.org
 မိတ္တူ
အယ်ဒီတာနှင့် တာဝန်ရှိသူများ
-       ဘီဘီစီ (မြန်မာပိုင်း)                                - မဇ္ဈိမ
-       ဘီအိုအေ (မြန်မာပိုင်း)                              - မြန်မာတိုင်မ်း
-       အာအက်အေ (မြန်မာပိုင်း)                          - Eleven Media
-       ဒီဗွီဘီ                                               - The Voice
-       ဧရာဝတီ                                            - 7 Days News