Pages

Sunday, April 1, 2012

ရခိုင်ပြည်နယ်နိုင်ငံရေးနှင့်ရိုဟင်ဂျာတို့၏ အခန်းကဏ္ဍ

လွတ်လပ်ရေးရပြီးခေတ် မြန်မာနိုင်ငံအနှံ့အပြားတွင် ရောင်စုံသောင်းကျန်မှုများ ရှိနေဆဲကာလ၌ ရခိုင်ပြည်
မြောက်ပိုင်းမူဂျာဟစ်များအားလုံး လက်နတ်ချ အလင်းဝင်လာခြင်းသည် နိုင်ငံအပေါ်မှာ သစ္စာရှိမှုနှင့် ငြိမ်းချမ်းရေးလိုလားမှုကို ပြသခြင်းပင်ဖြစ်သည်။နိုင်ငံတော်အစိုးရက ပေးခဲ့သော လူမျိုးရေး တန်းတူညီမျှ အခွင့်အရေးပေးမည်ဟူသည့် ဂတိကို ယုံကြည်လက္ခံခြင်းအတွက်လည်းဖြစ်ပေသည်။ မူဂျာဟစ်များ လက် နတ်ချ အလင်းဝင်လာအပြီး နိုင်ငံတော်၏ ဂတိအတိုင်း မေယုနယ်ခြားခရိုင်ဟုနိုင်ငံတော်မှသတ်မှတ် ပေး ကာ တပ်မတော်အရာရှိကြီးများမှဦးဆောင်၍အုပ်ချုပ်စေခဲ့သည်။ထိုနယ်ခြားအုပ်ချုပ်ရေးကာလသည်

 မေယုဒေသ၏ အေးချမ်းသာယာဝပြောသော ကာလဖြစ်ခဲ့သည်။ မေယုနယ်ခြားဒေသနေ ပြည်သူများ ကလည်း ထိုစဉ်က တပ်မတော်အရာရှိကြီးများဖြစ်ကြသော နယ်ခြားခရိုင်ဝန်ဗိုလ်မှူးတင်ဦး၊ နယ်ခြား ဝန်ထောက်  ဇေယျကျော်ထင်၊ဗိုလ်ကြီးလဆန်းထူးတို့ကို ခုချိန်ထိ တမ်းတမေတ္တာပို့နေတာကိုတွေ့ရသည်။ ထိုစဉ်က ပါလီမန်အမတ်များကလည်းသူတို့ကိုယ်တိုင် မူဂျာဟစ်များကို တိုက်ခိုက် ချေမှုန်းနိုင်ရေးအတွက် ပါလီမန်တွင် လက်နတ်တောင်းဆိုသည့်အဆိုများတင်ပြတောင်းဆိုခဲ့ဖူးပါသည်။ရခိုင်ပြည်နယ်ပေးရေး ကိစ္စမှာလည်း ရိုဟင်ဂျာအမတ်များကကန့်ကွက်ခဲ့သည်။ပြည်ထောင်စုစနစ် ပြည်နယ်စနစ်သည်  ပြည်ထောင်စုတည်တံ့ခိုင်မြဲရေးကို ထိပါးနိုင်သဖြင့် လက်ရှိပြည်နယ်များသည်လုံလောက်နေပြီဖြစ်ကြောင်း  ယူနီထရီစနစ်အတွင်း ဒေသန္တရအုပ်ချုပ်ရေးဖြင့် ပြည်သူအခွင့်အရေး အပြည့်အဝ ခံယူနိုင်မည်ဖြစ်သဖြင့် ပြည်နယ်ဟူသော ရေကန်ငယ်ကလေးထဲတွင်း နေရခြင်းထက် ပြည်မဟူသော သမုဒ္ဒရာကြီးတွင် နေလို ပါကြောင်း ထိုစဉ်က ပါလီမန် အမတ်တစ်ဦးဖြစ်သူ ဦးအဒူလ်ဂဖ္ဖါရ်က သူတို့ဒေသရှိလူများသည် ခွဲထွက် လိုလားသူ၊ပါကိစ္စတန်လိုလားသူများ မဟုတ်ကြောင်းကို သတင်းစာရှင်းလင်းပွဲများပြုလုပ်၍ ရှင်းလင်း ခဲ့သည်ကိုတွေ့ရသည်။


သူတို့သည် သီးခြားပြည်နယ်မတောင်းတော့ဘဲ နောက်ပိုင် မေယုဒေသကို ပြည်မအုပ်ချုပ်ရေး အောက် တွင်သာရှိစေလိုကြောင်း ရိုဟင်ဂျာတို့၏ သဘောထားကို လေ့လာတွေ့ရှိရသည်။ မ.ဆ.လ ခေတ်တစ်
လျှောက်လုံး ရိုဟင်ဂျာများသည် လမ်းစဉ်ပါတီဝင်များ အဖြစ်သော်လည်းကောင်း၊ပြည်သူ့ကောင်စီဝင်များ
အဖြစ်သော်လည်းကောင်း တိုင်းပြည်တာဝန်များကို ကျရာကဏ္ဍမှ ကြေပွန်စွာ ထမ်းဆောင်ခဲ့တာကိုတွေ့
ရသည်။  နိုင်ငံတော်နှင့် ပြည်ထောင်စုအပေါ်ထားရှိသည့် ရိုဟင်ဂျာတို့၏ စိတ်နေစိတ်ထားအမှန်ကို ထိုစဉ်
အခါက နိုင်ငံ့ခေါင်းဆောင်များနှင့်တိုင်းပြည်ချစ် ပုဂ္ဂိုလ်များအသိပင်ဖြစ်ပေသည်။ ပြည်ထောင်စု တည်တံ့
ခိုင်မြဲရေးနှင့်တိုင်းရင်းသားစည်းလုံးညီညွတ်ရေးကို အဟန့်အတားဖြစ်စေနိုင်သည့် အပြုအမှုများကို မိမိတို့
ရိုဟင်ဂျာလူထုဘက်က ဘယ်တုန်းကမှ မပြုလုပ်ခဲ့ဘူးဆိုတာ သမိုင်းတွေကသက်သေခံနေပါတယ်။
ယခုအခါ သဘောထားသေးသိမ့်သူ အမျိုးသားရေးဝါဒီတချို့ နှင့်ပြည်ထောင်စုသားမပီသသူ ခွဲထွက်လိုသူ အချို့ ပေါင်း၍ ရိုဟင်ဂျာလူထုတရပ်လုံးအား နိုင်ငံခြားများဖြစ်သည်ဟု စွပ်စွဲကာ ရိုဟင်ဂျာတို့၏တိုင်းရင်း သားဟူသော ဂုဏ်သိက္ခါအား သေးသိမ့်မှေးမှိန်စေလို၍ ဘာသာရေးကို အကြောင်းပြ တိုက်ခိုက်လာခြင်း
သည် မရိုးသားသောလုပ်ရပ်သာ ဖြစ်သည့်အတွက် ရပ်တန်က ရပ်ပါတော့ဟု ထိုအုပ်စုများကို ပြောလိုပါ
သည်။

No comments:

Post a Comment

ပေးထားသည့် မှတ်ချက်များအား မကြာမီ တင်ပေးပါမည်။ခေတ္တစောင့်ဆိုင်းပါ။
ကျေးဇူးတင်ပါသည်။