ဘရာဇီးမှ မျိုးတုံးတော့မည့် လူမျိုးစု ကယ်တင်ရေး လှုပ်ရှားမှုစတင်

အော်စကာရုပ်ရှင်ဆုရ သရုပ်ဆောင်က ဘရာဇီးနိုင်ငံ အမယ်ဇုံဒေသတွင် တရားမ၀င် သစ်လုပ်ငန်းလုပ်သူ များကြောင့် မျိုးတုံးတော့မည့်ဆဲဆဲ အောဝ(Awá) လူမျိုးတို့ကို ကယ်တင်ပေးကြရန် မေတ္တာရပ်ခံ ပန်ကြားလိုက်ပုံကို မှတ်တမ်းရုပ်ရှင်ကားတိုတွင် ဖော်ပြထားသည်။

နိုင်ငံတကာ ကယ်တင်ရေးအဖွဲ့ဟု အဓိပ္ပါယ်ရသော (Survival International)အဖွဲ့နှင့် အော်စကာ ရုပ်ရှင်ဆုရ ကိုလင်ဖါ့ (Colin Firth) တို့က ဘရာဇီး နိုင်ငံရှိ အောဝ (Awá) လူမျိုးတို့၏ ကိုယ်စား ဗီဒီယိုဖြင့် မေတ္တာရပ်ခံ ပန်ကြားလိုက်သည်။

ကမ္ဘာပေါ်တွင် မျိုးတုံးရန်အန္တရာယ်အကြီးဆုံးရှိနေသော လူမျိုးအား ပျောက်ကွယ်သွားစေမည့် တရားမ၀င် သစ်ထုတ်လုပ်မှုကို ဟန့်တားသောအားဖြင့် လှုပ်ရှားမှုတခုကို ဗုဒ္ဒဟူးနေ့က ရုပ်ရှင်ကားတို တကားဖြင့် စတင်ခဲ့ သည်။

ဘရာဇီးနိုင်ငံ အမယ်ဇုံဒေသတွင် ရာဂဏန်းအနည်းငယ်မျှလောက်သာ ကျန်တော့သော အောဝလူမျိုးတို့ သည် မိမိတို့လူမျိုးများကို သတ်ဖြတ်ခဲ့သော တရားမ၀င် သစ်ထုတ်လုပ်သူများ၏ လက်ဝယ်သို့ မိမိတို့နေ ထိုင်ရာ သစ်တောမြေများ လက်လွှတ်ဆုံးရှုံးနေရလျှက်ရှိကြောင်း Survival International က ဖော်ပြခဲ့သည်။

“အောဝလူမျိုးတွေရဲ့ သစ်တောတွေကို ခုတ်လှဲနေကြတယ်။ သစ်ခုတ်လှဲသူတွေက အောဝတွေကို တွေ့ရင် သတ်ပစ်တယ်။ အောဝတွေရဲ့ လေး၊ မြားတွေက သေနတ်ကို ယှဉ်နိုင်တာမဟုတ်ဘူး။ မကြာတော့တဲ့ သမိုင်း တချိန်ချိန်မှာ ဒီလူမျိုးဟာ ပျောက်သွားမလား မဆိုနိုင်ဘူး။ ကမ္ဘာ့မြေမျက်နှာပြင်ပေါ်ကနေ အပြီးအပိုင် ပျောက်ကွယ်သွား ရတော့မယ့် နောက်ထပ် လူမျိုးတမျိုးပေါ့။ ဒါပေမယ့် ဒီလိုအဖြစ်မျိုးကို ကမ္ဘာကြီးအနေနဲ့ အဖြစ်မခံအောင် ကျနော်တို့ ကြိုးပမ်းနေကြပါတယ်” ဟု ရုပ်ရှင်ထဲ၌ ဖါ့ က ပြောကြားခဲ့သည်။

ရဲများစေလွှတ်ပြီး သစ်ခုတ်သမားများကို မောင်းထုတ်ပေးပါမည့်အကြောင်း ဘရာဇီးနိုင်ငံ၏ တရားရေး ၀န်ကြီး ဂျိုဆေး အက်ဒူအာဒို ကာဒိုဇို (José Eduardo Cardozo) ထံ တောင်းဆိုပေးကြပါရန် The King's Speech ရုပ်ရှင်ကား၏ သရုပ်ဆောင်ဖြစ်သူ ဖါ့က ရုပ်ရှင်ကြည့်သူမျာအား တိုက်တွန်းထားသည်။

ရုပ်ရှင်ကားထဲ၌ ဖါ့သည် အောဝလူမျိုးတို့နှင့် ရင်းရင်းနှီးနှီးဆက်ဆံမှုရှိပုံ၊ သစ်ပေါ်တက်ပြီး သစ်သီးခူးနေပုံ၊ မိခင်မဲ့ မျောက်ကလေးများကို မွေးစားပြီး၊ နို့တိုက်နေပုံများကိုပင် ဖော်ပြထားသည်။ အောဝလူမျိုးအများစု တို့သည် ပြင်ပကမ္ဘာနှင့် အဆက်အသွယ်မရှိကြချေ၊ ခြေရာများနှင့် အခြား လက်စလက်နများအရသာလျှင် ၄င်းတို့ရှိနေကြောင်း သိရှိရခြင်း ဖြစ်သည်။

မကြာသေးခင်နှစ်များအတွင်း ဘရာဇီးနိုင်ငံမှာ တရားမ၀င်သစ်ခုတ်လှဲမှုများ သိသိသာသာ ကျဆင်းသွားခဲ့သော်လည်း အောဝတို့၏ ဋ္ဌာနေဖြစ်သော မာရန်ဟောင် (Maranhão) ပြည်နယ် အရှေ့မြောက်ပိုင်းတွင်မူ သစ်ခုတ်မှုနှုန်း ဆက်လက်မြင့်နေဆဲ ဖြစ်သည်။ ထိုနယ်မြေ၌ အမြဲစိမ်းသစ်တော ၃ ပုံ ၁ ပုံ ပြုန်းသွားခဲ့ပြီ ဖြစ်သည်။

“အောဝတွေအဖို့ နယ်မြေတွေ တိုးပြီးရင်း တိုးပြီး ကျူးကျော်ခံနေရတယ်။ အရေးပေါ် အစီအစဉ်တွေကို မြန်မြန်ထက်ထက် ချပြီး၊ ဆောင်ရွက်မပေးဘူးဆိုရင်တော့ သူတို့ရဲ့ အနာဂတ်ဟာ လူမျိုးတုံးသွာခြင်းဘဲ ဖြစ်ပါလိမ့်မယ်”ဟု National Indian Foundation မှ ဘရူနို ဖရက်ဂိုဆိုက ဆိုပါသည်။

အောဝ လူမျိုးတို့အကြောင်း ကျွမ်းကျင်သူ၊ မနုဿဗေဒ ပညာရှင် အယ်လီယိန်း ကန်တာရီနို အို ဒွိုင်ယာ ပြုစုခဲ့သော လေ့လာချက်တစောင်၌ “အောဝတို့သည် လူမျိုးတုံး သတ်ဖြတ်ခံနေရသော အခြေအနေနှင့် အမှန်တကယ် ကြုံတွေ့နေရလျှက်သည်”ဟု ကောက်ချက်ချထားသည်။

“ဒီမြေက ကျနော်တို့မြေပါ။ ကျနော်တို့မြေ။ သူတို့က မြို့ထဲကို ပြောင်းသွားလို့ ရသေးတယ်။ ကျနော်တို့ အင်ဒီးယန်းတွေကျတော့ တောထဲမှာဘဲ နေကြတာပါ။ သူတို့က ရှိသမျှ အကုန် သတ်နေကြတယ်။ ရှိသမျှ အကုန် သေကုန်တော့မှာ။ ကျနော်တို့အားလုံး ငတ်ကုန်တော့မယ်။ ကလေးတွေ ငတ်တော့မယ်။ ကျနော့် သမီးလေး ငတ်တော့မယ်။ ကျနော်လည်း ငတ်တော့မယ်” ဟု လူမျိုးစုထဲမှ ပိုင်ရီ အီ မာအာ (Pire'i Ma'a)ဟု အမည်ရှိသူ က စိတ်ပျက်ဖွယ်ရာ သူ့အဖြစ်နှင့် ပတ်သက်၍ အော့ဘဇာဘာ သတင်းစာသို့ ပြောပြခဲ့သည်။

နောက်တဦးဖြစ်သူ ကာရာပီရူက သူ့ မိသားစုဝင် အားလုံးနီပါး အသတ်ခံရပုံအကြောင်း Survival International သို့ ပြောပြခဲ့သည်။ “ကျနော်က တောထဲ ပြေးပုန်းနေလိုက်တော့ လူဖြူတွေ ရန်က လွတ် သွားခဲ့တယ်။ သူတို့က ကျနော့် အမေ၊ ကျနော့် ညီအစ်ကို မောင်နှစ်မတွေနဲ့ ကျနော့် မိန်းမကို သတ်လိုက်ကြတယ်။”

သစ်တောပြုန်းတီးမှုနှုန်းသည် တနှစ်ထက် တနှစ်ကျဆင်းလာခဲ့ရာ၊ ၂၀၁၁ ခုနှစ်အတွင်း သစ်တောပြုန်း တီးမှုနှုန်းသည် ယမန်နှစ် ပြုန်းတီးမှု၏ ၁၁ % ခန့်သာရှိတော့သည်။ မတ်လတွင် ဘရာဇီး သစ်တောဋ္ဌာနသည် အောဝလူမျိုးတို့ နေထိုင်ရာ နယ်မြေ ပတ်ဝန်းကျင်ရှိ တရားမ၀င် သစ်စက် ၁၄ စက်ကို ၀င်ရောက် စီးနင်းပြီး ပိတ်ပစ်ခဲ့သည်။

သို့ရာတွင် အနောက်ဥရောပ၏ (၄) ဆနီးပါးရှိသော ဘရာဇီးနိုင်ငံအတွက် သစ် တောများကို တရားမ၀င် သစ်ခုတ်လှဲမှုရန်မှ ကာကွယ်ပေးရန် တာဝန်ရှိသော သဘာဝပတ်ဝန်းကျင် ကာ ကွယ်စောင့် ရှောက်ရေးအဖွဲ့မှာ ၀န်ထမ်းဦးရေ ၁ ,၀၀၀ ပင် မပြည့်တတ်ချေ။

မောင်မောင်သန်း

ရည်ညွှန်း။ Colin Firth launches campaign to save 'world's most threatened tribe'

guardian.co.uk, Wednesday 25 April 2012 14.50 BST