မန္တလေးတိုင်းစဥ့်ကိုင်မြို့နယ်တဘက်ဆွဲကျေးရွာနေ မြန်မာတိုင်းရင်းသားအစ္စလာမ်ဘာသာ ၀င်များမှာ နိုင်ငံသား စိစစ်ရေးကဒ်ပြားများရရှိရန် အခက်အခဲဖြစ်နေကြောင်း ၄င်းတို့ထံက သိရှိရသည်။
တဘက်ဆွဲကျေးရွာမြောက်ဘက်ပိုင်းတွင် ဗုဒ္ဓဘာသာမြန်မာလူမျိုးများနေထိုင်ပြီး ထိုအပိုင်းတွင် နေထိုင်သော ဗုဒ္ဓဘာသာဝင်များကိုမူ ကျေးရွာအထိ လာရောက်ကွင်းဆင်း၍ နိုင်ငံသားစိစစ်ရေး ကဒ်ပြားများ ထုတ်ဝေ ပေးခဲ့သည်။
ခေတ်အဆက်ဆက်တွင် ပြုလုပ်ပေးသော နိုင်ငံသားစိစစ်ရေးကဒ်ပြားများထုတ်ဝေပေးမှုတွင် တိုင်းရင်း သားမြန်မာမွတ်စလင်များ နေထိုင်သော တဘက်ဆွဲတောင်ပိုင်းကို ဗုဒ္ဓဘာသာဝင်များ နေထိုင်သော တဘက်ဆွဲ မြောက်ပိုင်းထက် ပိုမိုငွေကြေးကောက်ခံမှုများရှိခဲ့ပြီးမှတ်ပုံတင်ရရှိရန်မှာမူ မလွယ်ကူ ကြောင်း သိရသည်။
“ပြီးခဲ့တဲ့ နှစ်လပိုင်းထဲမှကို သုံးကြိမ်လာလုပ်ပေးတယ် နှစ်ကြိမ်သုံးကြိမ်လာလုပ်ပေးတာတောင်မှ ကျနော်တို့ တောင်ပိုင်းကို လာလုပ်ပေးတာမရှိဘူး ကွက်ချန်ပစ်ခဲ့တယ် ” ဟု တဘက်ဆွဲတွင်နေထိုင် သည့်မြန်မာမွတ်စလင်တစ်ဦးက ပြောကြားသည်။
နိုင်ငံသားစိစစ်ရေးကဒ်ပြားများပြုလုပ်ရာတွင် အစ္စလာမ်ဘာသာကို ကိုးကွယ်သော တိုင်းရင်းသား မြန်မာမွတ်စလင်များ ကို ဗမာလူမျိုးအဖြစ် အသိအမှတ်မပြုခြင်း ၊ အန္ဒိယ ၊ ပါကစ္စတန်လူမျိုးအဖြစ် ရေးသွင်းခြင်းစသဖြင့် အနိုင်အထက်ပြုကျင့်မှုများကို လ၀ကများမှပြုလုပ်ကြောင်းသိရသည်။
“ အိန္ဒိယဗမာလို့ အရေးခံရတာတော့ ကျနော်တို့ အတော်ခံစားရတယ် ၊ အစိုးရက ဥပဒေထုတ်ပြန် ထားတာ မြန်မာနိုင်ငံမှာ မှီတင်းနေထိုင်ကြတဲ့ ပြည်သူအားလုံးသည် ဒီဟာကို အသိအမှတ် ပြုလက်ခံတယ်လို့ ဆိုထားသောလဲ အစ္စလာမ်ဘာသာကို လက်ခံထားတဲ့ ကျနော်တို့ တစ်တွေ အခွင့် အရေးတွေဆုံးရှုံးနေတယ်လို့ပြောခြင်တယ်” ဟု ထိုသို့ဖြစ်ပေါ်နေခြင်းမှာ တဘက်ဆွဲကျေးရွာ တစ်ရွာတည်းတင်မဟုတ်ပဲ မြန်မာပြည်အနှံ့တွင် ဖြစ်ပျက်နေခြင်းဖြစ်ကြောင်း မန္တလေးတွင်နေထိုင် သည့် အစ္စလာမ်ဘာသာဝင်တစ်ဦးက ပြောသည်။
“ မှတ်ပုံတင်ကျပျောက်မှာတောင် ကြောက်နေရတယ် ၊ ကျနော့်သမီးဆို ယာယီလုပ်ပြီးနေ နေရတယ် ဒါတောင် ဆယ်တန်းဖြေတုန်းကမို့လို့ ၊တက္ကသိုလ်ရောက်တာတောင် မှတ်ပုံတင်မရသေးဘူး ” ဟု မန္တလေးမြို့အောင်မြေသာစံ မြို့နယ် အတွင်းနေထိုင်သည့် မြန်မာမွတ်စလင်တစ်ဦးကပြောသည်။
မင်းမင်းလတ်(မန္တလေး-မြစ်မခ)
ဧပြီ(၂၄)ရက်၊၂၀၁၂ခုနှစ်။
No comments:
Post a Comment
ပေးထားသည့် မှတ်ချက်များအား မကြာမီ တင်ပေးပါမည်။ခေတ္တစောင့်ဆိုင်းပါ။
ကျေးဇူးတင်ပါသည်။